ՖՈՐԱ ՊՐԵՄԻՈՒՄ

ՏԵԽՆՈԼՈԳԻԱՆԵՐ

 

ՏԵԽՆՈԼՈԳԻԱՆԵՐ

INGENIUM ՇԱՐԺԻՉՆԵՐ

Մեր նոր շարժիչը ապահովում է գերազանց հատկանիշներ, տնտեսում և անհամեմատելի արդյունավետություն։ Այն թեթև է, նախկին ուժային ագրեգատներից 20 կգ-ով և ներկայացված է  150 և 180 ձիաուժ հզորությամբ տարբերակներով, լիաքարշակ է և հագեցած 9-աստիճանային ավտոմատ փոխանցման տուփով։ Ներքին շփման ուժը՝  համեմատած նախորդ սերունդների շարժիչներին, 17% -ով քիչ է։

ԹԵԹԵՎԱՑՐԱԾ ԿԱԽՈՑ

 

Կախոցի հենակներում՝ պատրաստված ալյումինից և թեթև պողպատից, կիրառված է հիդրավլիկ հանգեցման առաջատար տեխնոլոգիան, ինչը թույլ է տալիս նվազեցնել հարվածային ճնշումների արդյունքում առաջացած աղմուկը։ Համակարգը ապահովում է ընթացքի սահունություն անհարթ մակերեսի վրա և հետահարվածի բացակայումը ավտոմեքենայի ղեկանիվին։

 

ԸՆԹԱՑՔԱՅԻՆ ԲՆՈՒԹԱԳՐԵՐ

ԿԱԽՈՑԻ ԱԴԱՊՏԻՎ ԿԱՌԱՎԱՐՄԱՆ ADAPTIVE DYNAMICS ՀԱՄԱԿԱՐԳ

Կախոցի ադապտիվ կառավարման Adaptive Dynamics համակարգը ապահովում է ընթացքի սահունության և կառավարելիության միջև օպտիմալ հավասարակշռությունը: Սա արվում է ավտոմեքենայի ընթացքի մինչև 1000 անգամ/վայրկյան հաճախականությամբ մոնիտորինգի և մեղմիչների կոշտության կարգավորման միջոցով՝ կախված Ձերգործողություններից և ճանապարհային պայմաններից։ Սա կատարվում է գրեթե միանգամից՝ նվազացնելու կողաթեքումը, ապահովելու ավելի լավ կառավարելիություն և հարմարավետ ընթացք։ Համակարգը նաև կարող է որոշել արտաճանապարհային պայմանները և համապատասխանաբար կարգավորել մեղմումը։

ՊՏՏՈՂ ՄՈՄԵՆՏԸ ԱՆԻՎԻ ՎՐԱ ԴԻՆԱՄԻԿ ԲԱՇԽԵԼՈՒ ՀԱՄԱԿԱՐԳ

Այս համակարգը բարելավում է ավտոմեքենայի կայունությունը և շարժունակությունը շրջադարձերի ժամանակ։ Այն անդադար վերահսկում է պտտող մոմենտի բոլոր անիվների միջև բաշխումը և կառավարում այն՝ բարելավելու կցումը ճանապարհածածկի հետ և կառավարելիությունը ինչպես մայրուղու վրա, այնպես էլ ճանապարհազրկության պայմաններում։ Այս համակարգը նաև կարող է մեծացնել շրջադարձի արագությունը և նվազեցնել անբավարար դարձվածությունը՝ ներքին հետևի անիվի արգելակման և արտաքին հետևի անիվի վրա պտտող մոմենտի լրացուցիչ բաշխման հաշվին՝ այսպիսով բարելավելով կայունությունը։

ECO ՌԵԺԻՄ

 

Միացման ժամանակ EСО ռեժիմը կիրառում է ավտոմեքենայի ամենաարդյունավետ կարգավորումները, այդ թվում՝ ավտոմատ փոխանցման տուփի, ակտիվ լիաքարշակ համակարգի և սրահի տաքացման ու օդափոխման կարգավորումները, որպեսզի նվազեցվի վառելիքի սպառումը և կրճատվի CO2-ի արտանետումները։ ECO-տեղեկությունները արտաբերվում են սենսորային էկրանի վրա, ինչը թույլ է տալիս գտնել երթևեկելու ամենախնայող միջոցը։

9-ԱՍՏԻՃԱՆԱՅԻՆ ԱՎՏՈՄԱՏ ՓՈԽԱՆՑՄԱՆ ՏՈՒՓ

 

Թեթև, կոմպակտ 9-աստիճանային ավտոմատ փոխանցման տուփը ապահովում է վառելիքի սպառման և CO2-ի արտանետումների օպտիմալ մակարդակ, ինչպես նաև ավելի լավ կառավարում սայթաքուն ճանապարհին կամ տարհանման ժամանակ՝ հատուկ նախագծված գերցածր առաջին փոխանցման շնորհիվ։ Փոխանցման տուփը առանձնանում է բացառիկ ամրությամբ և գերազանց լրացնում է ավտոմեքենայի արտաճանապարհային հնարավորությունները և միևնույն ժամանակ ցուցադրում բարձր մակարդակի տեխնիկական կատարելություն և արդյունավետություն։

 

ՀՆԱՐԱՎՈՐՈՒԹՅՈՒՆՆԵՐ

ՃԱՆԱՊԱՐՀԱՅԻՆ ՊԱՅՄԱՆՆԵՐԻՆ ՀԱՐՄԱՐԵՑՎԱԾ TERRAIN RESPONSE ՀԱՄԱԿԱՐԳ

Terrain Response համակարգը բարձրացնում է Discovery Sport-ի հնարավորությունները նոր մակարդակի։ Այն օպտիմիզացնում է շարժիչի, փոխանցման տուփի, դիֆերենցիալի, շասսիի աշխատանքը՝ ապահովելու մաքսիմալ կառավարելիություն, հարմարավետություն և կցում ցանկացած ճանապարհային պայմաններում։ Պարզապես ընտրեք ընթացիկ պայմանների համար ամենահարմար ռեժիմը՝  «Հիմնական», «Խոտ/մանրախիճ/ձյուն», «Ցեղ/ողողափոսեր» և «Ավազ»։ Դուք Ձեզ միշտ վստահ կզգաք ավտոմեքենայի ղեկին։ 

ԹԵՔ ՀԱՐԹՈՒԹՅԱՆ ՎՐԱ ՍԱՀՈՒՆ ԵԼԸՆԹԱՑԻ ՀԱՄԱԿԱՐԳ

Ինչպես զառիվեր սահուն ելընթացի ֆունկցիան այս համակարգը կանխում է ավտոմեքենայի չափից բարձր արագանալը զառիվայր ընթացքի ժամանակ։ Եթե ավտոմեքենան կանգ է առնում և սկսում է շարժվել է թեք հարթության վրա, համակարգը գործի է դնում արգելակը և կամաց բաց թողնում ելընթացի ժամանակ։

ALL-TERRAIN PROGRESS CONTROL ՀԱՄԱԿԱՐԳ

Ցածր արագությունների վրա աշխատող (1,8-ից մինչև 30 կմ/ժ) All-Terrain Progress Control (ATPC) համակարգը օգնում է վարորդին պահպանել ստաբիլ արագություն բարդ իրավիճակներում, որպեսզի Դուք կարողանաք կենտրոնանալ ճանապարհի և մեքենա վարելու վրա: Այն նաև օգնում է փափուկ և սահուն շարժվել տեղից նույնիսկ ցածր կցման պայմաններում, ինչպիսիք են՝ սառույցը, ձյունը կամ թաց խոտը:

ԱԿՏԻՎ ԼԻԱՔԱՐՇԱԿ ՀԱՄԱԿԱՐԳ ACTIVE DRIVELINE

180 ձաիուժ հզորությամբ TD4 դիզելային և Si4 բենզինային շարժիչի վրա տեղադրված այս համակարգը կարող է դառնալ անգին օգնական ինչպես մայրուղու, այնպես էլ ճանապարհազրկության պայմաններում։ Շատ դեպքերում մայրուղիով երթևեկելու ընթացքում այն կարող է անջատել հետևի անիվները՝ վառելիքի ծախսը կրճատելու համար։ Երբ ճանապարհածածկը փոխվում է, կամ Դուք կտրուկ մեծացնում եք արագությունը, այն 300 միլիվայրկյանում սահուն և աննկատ միացնում է հետնաքարշակը։ Սենսորային էկրանի հատուկ դիսպլեյը ապահովում է ճանապարհի մշտական հսկողություն։

ԶԱՌԻՎԱՅՐ ԸՆԹԱՑՔԻ ՎԵՐԱՀՍԿՄԱՆ ՀԱՄԱԿԱՐԳ

Land Rover ընկերության կողմից պատենտավորված զառիվայր  ընթացքի վերահսկման համակարգն անփոփոխ արագության պահպանման հաշվին օգնում է պահել ավտոմեքենան հսկողության տակ բարդ զառիվայր ընթացքի ժամանակ՝ անհրաժեշտության դեպքում թեթև արգելակելով համապատասխան անիվը։ Համակարգը ավտոմատ դանդաղեցնում է ավտոմեքենայի ընթացքը և պահպանում արագությունը՝ ըստ միացված փոխանցմանը և արագության ոտնակի դիրքի:

ՀԱՂԹԱՀԱՐՎՈՂ ՋՐԱՅԻՆ ԱՐԳԵԼՔԻ ԽՈՐՈՒԹՅԱՆԸ ՀԵՏԵՎՈՂ WADE SENSING ՀԱՄԱԿԱՐԳ

Զգացեք Ձեզ ավելի վստահ, երբ անցնում եք ջրային խոչընդոտների կամ ջրով ողողված տարածքների միջով։ Wade Sensing  համակարգը չափում է ջրային արգելքի խորությունը դրսի հայելիների ներքևի մասում գտնվող տվիչների օգնությամբ և փոխանցում ավտոմեքենայի մասին տվյալները իրական ժամանակում։ Այդ տվյալները և ջրային արգելքի մաքսիմալ խորությունը արտաբերվում են սենսորային էկրանի վրա, ինչը թույլ է տալիս Ձեզ կայացնել համապատասխան որոշումներ։

 

ՎԱՐՈՐԴԻՆ ՕԺԱՆԴԱԿՈՂ ՀԱՄԱԿԱՐԳԵՐ

ԵՐԹԵՎԵԿՈՒԹՅԱՆ ԳՈՏՈՒ ՊԱՀՊԱՆՄԱՆ ԵՎ ՎԱՐՈՐԴԻ ՀՈԳՆԱԾՈՒԹՅԱՆ ԱՍՏԻՃԱՆԻ ՎԵՐԱՀՍԿՄԱՆ ՀԱՄԱԿԱՐԳԵՐ

Համակարգը ֆիքսում է չկանխամտածված շեղումը երթևեկության գոտուց և նրբորեն վերադարձնում ավտմեքենան իր գոտի: Վարորդի հոգնածության աստիճանի վերահսկման ֆունկցիան ֆիքսում է, երբ վարորդը կորցնում զգոնությունը, և այս դեպքում, բավականին նկատելի նախազգուշացում հանգստի անհրաժեշտության մասին։

ԱԴԱՊՏԻՎ ԿՐՈՒԻԶ ԿՈՆՏՐՈԼ՝ ԾԱՆՐԱԲԵՌՎԱԾ ԵՐԹԵՎԵԿՈՒԹՅԱՆ ԴԵՊՔՈՒՄ ՕԳՆՈՒԹՅԱՆ ՀՆԱՐԱՎՈՐՈՒԹՅԱՄԲ

Մայրուղու վրա կամ դանդաղ երթևեկող տրանսպորտային հոսքի մեջ Դուք կարող եք վստահել կառավարումը այս համակարգին, որը կպահպանի անվտանգ հեռավորություն առջևի ավտոմեքենայից, եթե այն դանդաղեցնի ընթացքը կամ կանգ առնի։ Եթե ավտոմեքենան մեծացնի արագությունը, նույն կերպ կվարվի նաև Ձեր Discovery Sport.

ԱՐՏԱԿԱՐԳ ԱՐԳԵԼԱԿՄԱՆ ԻՆՔՆԱՎԱՐ ՀԱՄԱԿԱՐԳ

Բախվելու վտանգը չանաչելուն պես այս համակարգը վարորդին տալիս է նախազգուշացնող ազդանշան՝ հնարավորություն տալով արգելակելու։ Եթե վարորդը չի արձագանքում, ապա համակարգը իջեցնում է ավտոմեքենայի արագությունը՝ նվազեցնելու ցանկացած հնարավոր բախման հետևանքները։

«ԿՈՒՅՐ» ԳՈՏԻՆԵՐԻ ՎԵՐԱՀՍԿՄԱՆ ՀԱՄԱԿԱՐԳ ԵՎ ՀԵՏԸՆԹԱՑՔԻ ԺԱՄԱՆԱԿ ԱՋԻՑ/ՁԱԽԻՑ ՄՈՏԵՑՈՂ ԱՎՏՈՄԵՔԵՆԱՆԵՐԻ ՀԱՅՏՆԱԲԵՐՄԱՆ ՀԱՄԱԿԱՐԳ

Այս համակարգը զգուշացնում է վարորդին, եթե «կույր» գոտում գտնվում է մեկ այլ տրանսպորտային միջոց։ Ազդանշանը տրվում է համապատասխան կողմի կողային հայելու վրայի լուսային ցուցիչի օգնությամբ։ Հետընթացքի ժամանակ աջից/ձախից մոտեցող ավտոմեքենաների հայտնաբերման համակարգը ազդարարում է ձայնային և լուսային ազդանշաններ՝ զգուշացնելով վարորդին երկու կողմից մոտեցող տրանսպորտային միջոցների մասին։ Այսպես Դուք կիմանաք, թե ինչէ կատարվում Ձեր թիկունքում, նույնիսկ սահմանափակ տեսանելիության պայմաններում։

ԿԱՅԱՆՄԱՆՆ ՕԺԱՆԴԱԿՈՂ ՀԱՄԱԿԱՐԳ

 

Կայանմանն օժանդակող մեր համակարգը հեշտացնում է զուգահեռ և ուղղահայաց կայանումը՝ սկսած տեղի  ընտրությունից մինչև մանևրելը։ Պարզապես միացրեք համապատասխան փոխանցումը և գազի ու արգելակման ոտնակների միջոցով կառավարեք արագությունը։ Այս համակարգը նաև կօգնի դուրս գալ ավտոկայանատեղից՝ հեշտացնելով մանևրումը։ Մեծ օգնություն են ցուցաբերում ազդանշանները և գրաֆիկան։

ՇՐՋԱՆԱՁԵՎ ՏԵՍԱՆԵԼԻՈՒԹՅԱՆ ՏԵՍԱԽՑԻԿՆԵՐԻ ՀԱՄԱԿԱՐԳ

 

Այս համակարգը ապահովում է շրջանաձև տեսանելիություն և օգնում է կատարել տարբեր մանևրումներ՝ մայթի մոտ կայանումից և կայանատեղի մուտքից/ելքից մինչև տարհանումը: Ինչպես նաև առաջարկվում է համայնապատկերավորել և մասշատաբավորել պատկերները՝ որպեսզի տեսնել օբյեկտներ, որոնք գտնվում են տեսադաշտից դուրս, իսկ համապատասխան տեղեկությունը արտաբերվում է սենսորային էկրանին։

 

ԿՈՄՖՈՐՏ ԵՎ ՀԱՐՄԱՐԱՎԵՏՈՒԹՅՈՒՆ

ԱՌՋԵՎԻ ՆՍՏԱՏԵՂԵՐ՝ ՏԱՔԱՑՄԱՆ ԵՎ ՀՈՎԱՑՄԱՆ ՖՈՒՆԿՑԻԱՅՈՎ

 

Տարվա ցանկացած եղանակին առջևի նստատեղերը՝ տաքացման և հովացման ֆունկցիայով, երաշխավորում են հարմարավետություն և բավականություն ընտրված ջերմաստիճանից։ Օդափոխիչից փչող օդը շրջանառվում է նստատեղի բարձիկի օդատարների միջով՝ տաքացնելով կամ սառեցնելով նրա մակերեսը։ Օդակարգավորումը կատարավում է յուրաքանչյուր նստատեղի համար առանձին։

ՊՐՈԵԿՑԻՈՆ ԷԿՐԱՆ ԴԻՄԱՊԱԿՈՒ ՎՐԱ

 

Այս ֆունկցիան թույլ է տալիս դիմապակու վրա արտաբերել այնպիսի կարևոր տվյալներ, ինչպիսիքն են՝ արագությունը, ընթացիկ փոխանցումը և նավիգատորի ցուցումները, որպեսզր վարորդը չշեղվի ճանապարհից։ Առաջին անգամ աշխարհի պատմության մեջ այս համակարգում օգտագործվում է հոլոգրաֆիայի տեխնոլոգիան, որը ապահովում է գերհագեցած գույներ, պայծառություն և ցայտագունություն։ Վարորդը կարող է միացնել և անջատել այս ֆունկցիան ըստ ցանկության։

ԿԼԻՄԱՏ-ԿՈՆՏՐՈԼ

 

Այս համակարգում օգտագործվում են օդային տվիչներ, որոնք վերահսկում են խոնավությունը, մառախուղի աստիճանը և ծայրահեղ եղանակային պայմանները: Օդափոխման անցքերը, տեղակայված ամբողջ թափքով, թույլ են տալիս պատշաճ կերպով կարգավորել սրահի ջերմաստիճանը: Ձեր ուղևորները իրենց կզգան հարմարավետ ցանկացած նստատեղի վրա։

HOMELINK® ՀԱՄԱԿԱՐԳ

 

Կազմակերպեք Ձեր առօրյան ավտոտնակների դարպասների հեռակա կառավարման HomeLink® համակարգի օգնությամբ։ Այս ունիվերսալ տվիչը այնպես է ծրագրավորված, որ թույլ է տալիս տանից կամ գրասենյակից կառավարել երեք անլար համակարգեր, ինչպիսիք են՝ ավտոտնակի դռները, ավտոմատ դարպասները կամ լուսավորությունը։ Հեռակառավարման վահանակը կորցնելն այլևս խնդիր չէ։ 

 

ՏԵՂԵԿԱՏՎԱԿԱՆ—ԺԱՄԱՆՑԱՅԻՆ ՀԱՄԱԿԱՐԳ

MERIDIAN™ ՀԱՄԱԿԱՐԳ

Discovery Sport-ի համար առաջատար աուդիո համակարգերի նախագծումը իրականացվում էր Land Rover ընկերության կողմից՝ Meridian ընկերության հետ համատեղ, որը աուդիո տեխնոլոգիաների և ձայնի թվային մշակման ոլորտի համաշխարհային առաջատարն է։

INCONTROL TOUCH ԵՎ INCONTROL TOUCH PRO

InControl համակարգը մեր առաջատար տեխնոլոգիաներից է, որը ապահովում է Ձեր և ավտոմեքենայի միջև կապը, երբ Դուք գտնվում եք նրա սահմաններից դուրս։ Այս համակարգերը համալրված են տարբերակների համապատասխան InControl Connect և InControl Connect Pro փաթեթներով։  

INCONTROL CONNECT ԵՎ INCONTROL CONNECT PRO

Տարբերակների այս լրացուցիչ փաթեթները դուրս են բերում Ձեր ավտոմեքենայի հարմարավետության և կապի հնարավարությունները նոր մակարդակի։ InControl Apps հավելվածները՝ 10-դյույմանոց սենսորային էկրանի և սմարթֆոնի համար համատեղելի հավելվածների օգնությամբ, ընդլայնում են ավտոմեքենայում Ձեր հնարավորությունների սահմանները։ Remote Premium հավելվածը թույլ է տալիս հետևել ավտոմեքենային և լինել կապի մեջ։ Ձեր կյանքը ավելի է հեշտանում WiFi-ի և Pro Services համակարգի միջոցով, որոնք թույլ են տալիս մնալ կապի մեջ արտաքին աշխարհի հետ։

INCONTROL PROTECT ՀԱՄԱԿԱՐԳ

 

Ձեր ամրթֆոնը հանդես է գալիս որպես կապող օղակ Ձեր և ավտոմեքենայի միջև InControl Protect համակարգի շնորհիվ։ InControl Remote հավելվածի օգնությամբ Դուք կարող եք հեռակա ստուգել վառելիքի մակարդակը բակի մեջ, գտնել Ձեր ավտոմեքենան ծանրաբեռնված ավտոկայանատեղիում, հիշել Ձեր երթուղիները, և նույնիսկ ստուգել արդյոք պատուհանները փակ են։ Նաև ակտիվացված է Land Rover-ի օգնության օպտիմիզացված ծառայությունը, որը գրեթե անհնար  անսարքության դեպքում կարող է փոխանցել Ձեր ավտոմեքենայի տեխնիկական վիճակի մասին տվյալները և գտնվելու վայրը Ձեր ապահովագրական ընկերությանը։ Լուրջ միջադեպի դեպքում ահազանգի ֆունկցիան կտեղեկացնի Ձեր գտնվելու վայրի մասին համապատասխան ծառայություններին:

ԺԱՄԱՆՑԱՅԻՆ ՀԱՄԱԿԱՐԳ ՀԵՏԵՎԻ ՆՍՏԱՏԵՂԵՐԻ ՈՒՂԵՎՈՐՆԵՐԻ ՀԱՄԱՐ

Հետևի նստատեղերի ուղևորների համար հասանելի են 8-դյույմանոց էկրաններ՝ ներկառուցված դիմացի նստատեղերի գլխակալների մեջ։ Նրանց տրամադրության տակ են WhiteFire® ականջակալների երկու զույգ, մեկ USB-պորտ երկրորդ շարքում և առանձին հեռակառավարման վահանակ, ինչը թույլ է տալիս վայելել ֆիլմեր, խաղեր և երաժշտություն։

ԵՐԿԱԿԻ ՊԱՏԿԵՐԻ ՀՆԱՐԱՎՈՐՈՒԹՅԱՄԲ ՍԵՆՍՈՐԱՅԻՆ ԷԿՐԱՆ

Երկակի պատկերի հնարավորությամբ սենսորային էկրանը թույլ է տալիս վարորդին և առջևի նստատեղի ուղևորին մեկ էկրանի վրա դիտել տարբեր պատկերներ։ Օրինակ՝ վարորդը կարող է օգտագործել նավիգացիոն համակարգը, իսկ ուղևորը՝ դիտել DVD ֆիլմեր։ 

ԿԱՐԵՎՈՐ ՏԵՂԵԿՈՒԹՅՈՒՆ

You are about to leave . Please note that cannot be responsible for any content or validity outside of this domain.