ՖՈՐԱ ՊՐԵՄԻՈՒՄ

ՏԵԽՆՈԼՈԳԻԱՆԵՐ

ՆՈՐԱՐԱՐՈՒԹՅՈՒՆՆԵՐ

ԱՄԲՈՂՋՈՎԻՆ ԱԼՅՈՒՄԻՆԵ ԹԱՓՔ

Առաջին անգամ այս ոլորտում կիրառվել է թափքի ամբողջովին ալյումինե կառուցվածք, ինչը թույլ է տվել նվազեցնել քաշը, բարձրացնել ամրությունն ու բնապահպանական որակները: Կատարելագործված թափքն ուժեղացված է հենց այն տեղերում, որոնք ենթարկվում են ամենամեծ ծանրաբեռնվածության, ինչն ապահովում է ողջ նորարարական կառուցվածքի անգերազանցելի ամրությունն ու հուսալիությունը: Ավտոմեքենայի թափքը, ինչպես և Land Rover-ի այլ մոդելներում, ունակ է դիմանալ ցանկացած ծանրաբեռնվածության արտաճանապարհային պայմաններում:

ԸՆԹԱՑՔԱՅԻՆ ԲՆՈՒԹԱԳՐԵՐ

ԿԱԽՈՑԻ ԱԴԱՊՏԻՎ ԿԱՌԱՎԱՐՄԱՆ ՀԱՄԱԿԱՐԳ ADAPTIVE DYNAMICS

Ճանապարհային պայմաններին ադապտացման օպցիոնալ Terrain Response 2 համակարգը հետևում է ճանապարհածածկի պայմաններին և ընտրում է վարման այն ռեժիմը, որը զգալիորեն կբարձրացնի շասսիի և փոխանցումատուփի աշխատանքի արդյունավետությունն այս կամ այն իրավիճակում:

ՊԱՏՎԻՐԵԼ ԹԵՍՏ ԴՐԱՅՎ

ԱՆԻՎԻ ՎՐԱ ՊՏՏՈՂ ՄՈՄԵՆՏԻ ԲԱՇԽՈՒՄ

Այս համակարգը բարելավում է ավտոմեքենայի մանևրականությունն ու կայունությունը շրջադարձերն անցնելիս: Անընդհատ հետևելով և վերաբաշխելով պտտող մոմենտը բոլոր անիվների միջև՝ համակարգը բարելավում է կցումը ճանապարհի հետ և թույլ է տալիս ավտոմեքենային հաղթահարել ցանկացած դժվարություն թե՛ ճանապարհին, թե՛ ճանապարհից դուրս: Համակարգը նպաստում է նաև շրջադարձերի հստակ հաղթահարմանն ու շտկում է անբավարար շրջադարձելիությունը:

ՊԱՏՎԻՐԵԼ ԹԵՍՏ ԴՐԱՅՎ

ԴԻՆԱՄԻԿ ՌԵԺԻՄ

Դինամիկ ռեժիմն ու Terrain Response 2 համակարգը համատեղ կարգավորում են կախոցի աշխատանքը՝ ավելի հստակ վերահսկելով թափքը, բարելավելով կառավարելիությունն ու արագացնելով ավտոմեքենայի արձագանքը: Սա էլ ավելի սպորտային է դարձնում վարելաոճը:

ՊԱՏՎԻՐԵԼ ԹԵՍՏ ԴՐԱՅՎ

ԴԻՆԱՄԻԿ ԿԱՅՈՒՆՈՒԹՅԱՆ DYNAMIC RESPONSE ՀԱՄԱԿԱՐԳ

Ժամանակակից երկալիք համակարգն ունակ է միմյանցից անկախ վերահսկել առջևի և հետևի սռնիները՝ բարելավելով մանևրականությունը ցածր արագությունների դեպքում և մեծացնելով կայունությունը բարձր արագությունների պարագայում:

ՊԱՏՎԻՐԵԼ ԹԵՍՏ ԴՐԱՅՎ

ՀՆԱՐԱՎՈՐՈՒԹՅՈՒՆՆԵՐ

ԵՐԿԱՍՏԻՃԱՆ ԲԱՇԽԻՉ ՏՈՒՓ

Բաշխիչ տուփը ներառում է փոխարկվող բարձրացնող և իջեցվող փոխանցումներ ու ապահովում է ավտոմեքենայի բացառիկ մանևրականությունը ճանապարհներին և դրանցից դուրս: Իջեցնող փոխանցումը թույլ է տալիս վերահսկել զառիվայր շարժումը բարդ ճանապարհային պայմաններում, մինչդեռ բարձրացնողը հիանալի է ազատ ճանապարհներով երթևեկելու դեպքում:

ՃԱՆԱՊԱՐՀԱՅԻՆ ՊԱՅՄԱՆՆԵՐԻՆ ԱԴԱՊՏԱՑՄԱՆ TERRAIN RESPONSE 2 ՀԱՄԱԿԱՐԳ

Ճանապարհային պայմաններին ադապտացման օպցիոնալ Terrain Response 2 համակարգը հետևում է ճանապարհածածկի պայմաններին և ընտրում է վարման այն ռեժիմը, որը զգալիորեն կբարձրացնի շասսիի և փոխանցումատուփի աշխատանքի արդյունավետությունն այս կամ այն իրավիճակում:

ԿԱԽՈՑ

ԿԱԽՈՑ Range Rover Sport ավտոմեքենան սարքավորված է էլեկտրոնային կառավարմամբ պնևմատիկ կախոցով*, որն ապահովում է հարմարավետության գերազանց մակարդակ ճանապարհների վրա և երկու հասանելի տարբերակից ավտոմատ կերպով ընտրում է կախոցի անհրաժեշտ բարձրությունը արտաճանապարհային պայմաններում երթևեկելիս: Սա նպաստում է կառավարելիության բարձրացմանը նույնիսկ ամենախիստ պայմաններում:

ՍԱՅԹԱՔՈՒՆ ՄԱԿԵՐԵՎՈՒՅԹԻ ՎՐԱ ՄԵԿՆԱՐԿԻ ՀԱՏՈՒԿ ՌԵԺԻՄ LOW TRACTION CONTROL

Այս ֆունկցիան թույլ է տալիս սահուն շարժվել տեղից ճանապարհի հետ ցածր կցման պայմաններում՝ լինի դա սառույց, թե թաց խոտ:

ԿԱՅՈՒՆՈՒԹՅԱՆ ԴԻՆԱՄԻԿ ՎԵՐԱՀՍԿՄԱՆ ՀԱՄԱԿԱՐԳ (DSC)

Կայունության դինամիկ վերահսկման համակարգը (DSC) հայտնաբերում է անբավարար ղեկային կառավարումը և օպտիմալացնում է արգելակների և շարժիչի աշխատանքը՝ ապահովելով ցանկացած շրջադարձի վստահ հաղթահարումը:

ՏԱՐԲԵՐ ՏԵՍԱԿԻ ՄԱԿԵՐԵՎՈՒՅԹՆԵՐՈՎ ՑԱԾՐ ԱՐԱԳՈՒԹՅԱՄԲ ՇԱՐԺՄԱՆ ԿՐՈՒԻԶ ԿՈՆՏՐՈԼ (ATPC)

Սահմանեք ցանկալի արագությունը 2-ից 30 կմ/ժ տիրույթում, և տարբեր տեսակի մակերևույթներով ցածր արագությամբ շարժման կրուիզ կոնտրոլը՝ All-Terrain Progress Control համակարգը, մշտապես կպահպանի այն: Ընդ որում, Դուք կարող եք հանել ոտքը արագացման ոտնակից և կենտրոնանալ ղեկային կառավարման վրա՝ հաղթահարելով ցանկացած խոչընդոտ:

ՎԱՐՈՐԴԻՆ ՕԺԱՆԴԱԿՈՂ ՀԱՄԱԿԱՐԳԵՐ

ԱՎՏՈՄԵՔԵՆԱՅԻ ՊԱՐԱԳԾՈՎ ՏԵՂԱԴՐՎԱԾ ԿԱՅԱՆՄԱՆ ՑՈՒՑԻՉՆԵՐԻ ՀԱՄԱԿԱՐԳ

Ավտոմեքենայի պարագծով տեղադրված ցուցիչները կակտիվանան ավտոմատ կերպով, երբ սահմանափակ տարածության մեջ միացնեք հետընթաց փոխանցումը: Վարորդը կարող է ոչ միայն ավտոմեքենայի սենսորային էկրանին տեսնել ավտոմեքենայի պատկերը վերևից, այլև ստանալ ձայնային ազդանշաններ մոտակայքում առկա խոչընդոտներից եղած տարածության մասին, ինչը թույլ կտա կայանման գործընթացը դարձնել ավելի հանգիստ ու հաճելի:

ԱԴԱՊՏԻՎ ԿՐՈՒԻԶ ԿՈՆՏՐՈԼ՝ ԽԻՏ ՀՈՍՔՈՒՄ ՇԱՐԺՄԱՆՆ ՕԺԱՆԴԱԿՈՂ ՖՈՒՆԿՑԻԱՅՈՎ ԵՎ ՎԹԱՐԱՅԻՆ ԱՐԳԵԼԱԿՄԱՆ ՀԱՄԱԿԱՐԳՈՎ (IEB)

Անկախ նրանից՝ շարժվում եք կիսադատարկ մայրուղիով, թե քաղաքային խիտ հոսքում այս համակարգը կվերահսկի և կպահպանի անվտանգ տարածությունն առջևից ընթացող ավտոմեքենայից: Երբ այն արագանա, Ձեր Range Rover Sport-ը նույնպես կսկսի ավելի արագ շարժվել:

«ԿՈՒՅՐ» ԳՈՏԻՆԵՐԻ ՎԵՐԱՀՍԿՄԱՆ ՀԱՄԱԿԱՐԳ ԵՎ ՀԵՏԸՆԹԱՑ ՇԱՐԺՄԱՆ ԺԱՄԱՆԱԿ ՁԱԽԻՑ/ԱՋԻՑ ՄՈՏԵՑՈՂ ԱՎՏՈՄԵՔԵՆԱՆԵՐԻ ՀԱՅՏՆԱԲԵՐՄԱՆ ՀԱՄԱԿԱՐԳ

«Կույր» գոտում գտնվող կամ դրան արագորեն մոտեցող այլ տրանսպորտային միջոցի հետ բախման վտանգի դեպքում համակարգն ակտիվացնում է համապատասխան արտաքին հայելու վրա գտնվող ինդիկատորը՝ նախապես տեղեկացնելով Ձեզ հնարավոր վթարի մասին: Հետընթաց շարժման ժամանակ ձախից/աջից մոտեցող ավտոմեքենաների հայտնաբերման համակարգը նախազգուշացնում է ցանկացած կողմից սպառնացող վտանգի մասին:

ԻՆՔՆՈՒՐՈՒՅՆ ՎԹԱՐԱՅԻՆ ԱՐԳԵԼԱԿՄԱՆ ՀԱՄԱԿԱՐԳ (AEB)

Բախման վտանգի հայտնաբերման դեպքում համակարգն արձակում է ձայնային ազդանշան, որին հետևում են նաև տեսողական նախազգուշացումները: Նման տեղեկացումը թույլ կտա Ձեզ արագորեն քայլեր ձեռնարկել վթարից խուսափելու համար: Եթե Դուք չեք արձագանքի նախազգուշացմանը, համակարգը կգործարկի արգելակները՝ նվազեցնելով հնարավոր հարվածի ուժը:

ԵՐԹԵՎԵԿՈՒԹՅԱՆ ՇԱՐՔԻ ՊԱՀՊԱՆՄԱՆ ՀԱՄԱԿԱՐԳ ԵՎ ՎԱՐՈՐԴԻ ՀՈԳՆԱԾՈՒԹՅԱՆ ԱՍՏԻՃԱՆԻ ՎԵՐԱՀՍԿՄԱՆ ՖՈՒՆԿՑԻԱ

Այս տեխնոլոգիան հայտնաբերում է ավտոմեքենայի պատահական շեղումը երթևեկության շարքից և օգնում է վերադառնալ նախնական դիրքին: Վարորդի հոգնածության աստիճանի վերահսկման համակարգը գրանցում է հոգնածության պատճառով կենտրոնացման կորստի պահերը և ձայնային ու սարքավորումների վահանակի վրա արտացոլվող տեսողական ազդանշանի օգնությամբ առաջարկում ընդմիջում անել:

ԿԱՅԱՆՄԱՆՆ ՕԺԱՆԴԱԿՈՂ ՀԱՄԱԿԱՐԳ

Այս տեխնոլոգիայի շնորհիվ ղեկային կառավարումը զուգահեռ և ուղղահայաց կայանման կամ կայանատեղիից դուրս գալու ժամանակ այլևս հոգս չի պատճառի Ձեզ: Պարզապես ընտրեք համապատասխան փոխանցումը և վերահսկեք արագությունը գազի և արգելակման ոտնակների օգնությամբ:

ՀԵՏԻՆ ՏԵՍԱԴԱՇՏԻ ՏԵՍԱԽՑԻԿ

Հետին տեսադաշտի տեսախցիկից ստացված տեղեկատվությունն արտացոլվում է սենսորային էկրանին՝ լրացվելով հատուկ գծերով, որոնք օգնում են որոշել ավտոմեքենայի արտաքին չափսերն ու շարժման ենթադրյալ հետագիծը: Սա զգալիորեն հեշտացնում է կայանումը սահմանափակ տարածության պայմաններում:

ՇՐՋԱԾԻՐ ՏԵՍԱՆԵԼԻՈՒԹՅԱՆ ՏԵՍԱԽՑԻԿՆԵՐԻ ՀԱՄԱԿԱՐԳ

Այս տեխնոլոգիայի շնորհիվ սենսորային էկրանին կարելի է տեսնել ավտոմեքենայի ողջ պարագծով տեղադրված տեսախցիկներից ստացվող պատկերը, ինչը թույլ է տալիս ավելի արագ ու անվտանգ կայանել մայթեզրի մոտ կամ տեղաշարժվել նեղ տարածությունում ու խաչմերուկներում:

ԿՑՈՐԴՈՎ ՀԵՏԸՆԹԱՑ ՇԱՐԺՄԱՆՆ ՕԺԱՆԴԱԿՈՂ ԲԱՐԵԼԱՎՎԱԾ ՀԱՄԱԿԱՐԳ

Այս համակարգը թույլ է տալիս վերահսկել քարշակումը, երբ շարժվում եք հետընթաց ուղղությամբ: Terrain Response 2 համակարգի շրջադարձային փոխարկիչի օգնությամբ այս օպցիան վերահսկում է ղեկային կառավարումը և ապահովում կցորդի շարժման անհրաժեշտ հետագիծը: Սենսորային էկրանին վարորդը կարող է տեսնել ակտուալ տեղեկատվությունը, այդ թվում նաև կցորդի շարժման ընթացիկ և ցանկալի հետագծերի վերաբերյալ:

ՀԱՐՄԱՐԱՎԵՏՈՒԹՅՈՒՆ

ԲԵՌՆԱՎՈՐՄԱՆ ԲԱԺԱՆՄՈՒՆՔԻ ԴՌԱՆ ՍԵՆՍՈՐԱՅԻՆ ԱՆՀՊՈՒՄ ԲԱՑՈՒՄ

Այս ֆունկցիան թույլ է տալիս բացել կամ փակել բեռնավորման բաժանմունքի դուռը՝ առանց բռնակին կամ բանալիի կախազարդին դիպչելու: Ավտոմեքենայի յուրաքանչյուր կողմում տեղադրված են սենսորներ, իսկ դրանց կառավարումն իրականացվում է էլեկտրոնային սարքավորումների օգնությամբ: Պարզապես շարժեք Ձեր ոտքը ցուցիչներից մեկի կողքին՝ ֆունկցիան ակտիվացնելու համար:

ԿԱԽՈՑԻ ԲԱՐՁՐՈՒԹՅԱՆ ԱՎՏՈՄԱՏ ԿԱՐԳԱՎՈՐՄԱՆ ՀԱՄԱԿԱՐԳ

Կախոցի բարձրության ավտոմատ կարգավորման համակարգի շնորհիվ Ձեր կայանած ավտոմեքենան կարող է իջնել 50 մմ-ով, որպեսզի ավելի հեշտությամբ նստեք կամ դուրս գաք դրանից: Առաջարկվում է միայն էլեկտրոնային կառավարմամբ պնևմատիկ կախոցով ավտոմեքենաների համար:

ԴՌՆԵՐԻ ՉԱՓԱԲԵՐԻՉՆԵՐ

Բոլոր դռների չափաբերիչները լրացված են էլեկտրական շարժակով կառավարվող ֆիքսատորներով, որոնք ապահովում են դռների փակման բացառիկ փափկությունն ու անվտանգությունը: Ընթացքի վերջին 6 մմ վերահսկելի շարժման շնորհիվ բոլոր դռները փակվում են առավելագույն խնամքով:

ՇԱՐԺԻՉԻ ԵՎ ՍՐԱՀԻ ՆԱԽԱՄԵԿՆԱՐԿԱՅԻՆ ՏԱՔԱՑՄԱՆ ՀԱՄԱԿԱՐԳ

Շարժիչի նախամեկնարկային տաքացման նորարարական համակարգը կարող է տաքացնել կամ սառեցնել ավտոմեքենան հեռակառավարման վահանակի օգնությամբ: Այն ունի մեկ շաբաթվա թայմեր: Դուք միշտ կարող եք վստահ լինել, որ սրահում ստեղծվել է Ձեզ համար առավել հաճելի ջերմաստիճանային ռեժիմ:

ՄՈՒԼՏԻՄԵԴԻԱ

ՊՐՈԵԿՑԻՈՆ ԴԻՍՓԼԵՅ ԴԻՄԱՊԱԿՈՒ ՎՐԱ

Դիմապակու օպցիոնալ պրոեկցիոն դիսփլեյն արտացոլում է ամենակարևոր տեղեկատվությունը՝ արագություն, նավիգացիոն համակարգ և աշխատող փոխանցում՝ օգնելով Ձեզ չշեղվել ճանապարհից: Լազերային պրոեկցիայի նորարարական տեխնոլոգիայի շնորհիվ պատկերը պահպանում է հստակությունը նույնիսկ արևի կուրացուցիչ լույսի տակ և կարող է շտկվել ըստ Ձեր նախասիրության: Ձեր հարմարավետության համար դիմապակու վրա կարող է արտացոլվել ճանապարհային նշանների ճանաչման օպցիոնալ համակարգի տրամադրած տեղեկատվությունը: Դրա շնորհիվ Դուք մշտապես կիմանաք ճանապարհի տվյալ հատվածում գործող արագության ռեժիմի սահմանափակումների մասին՝ պարզապես նայելով սարքավորումների վահանակին և դիմապակուն:

INCONTROL TOUCH PRO ՄՈՒԼՏԻՄԵԴԻԱ ՀԱՄԱԿԱՐԳ

InControl Touch Pro համակարգը միավորում է նոր սերնդի ապարատային և ծրագրային լուծումները և ստեղծում է կապի ու ժամանցի անսահման հնարավորություններ: InControl Touch Pro-ն ամենաառաջադեմ մուլտիմեդիա համակարգն է Land Rover-ի պատմության մեջ: Գերզգայուն 10-դյույմանոց սենսորային էկրանը՝ վայրկենական արձագանքով, ապահովում է տեղեկատվական և ժամանցային համակարգերի հեշտ ու հարմարավետ կառավարումը: Դուք կարող եք կարգավորել էկրանի ինտերֆեյսը Ձեր նախընտրությունների համաձայն, ինչպես նաև օգտագործել ձայնային կառավարման ֆունկցիան:

INCONTROL CONNECT PRO

InControl Touch Pro լրացուցիչ տեխնոլոգիաները կատարելագործում են ավտոմեքենայի կապի հնարավորությունները՝ ապահովելով առանձնակի հարմարավետություն: InControl Apps համակարգը բաղկացած է մի շարք սերտիֆիկացված հավելվածներից, որոնք թույլ են տալիս կառավարել ավտոմեքենան սմարթֆոնի և 10-դյույմանոց էկրանի օգնությամբ: Հավելվածներից մեկը՝ Remote Premium-ը, թույլ կտա հետևել Ձեր ավտոմեքենայի վիճակին և կառավարել այն հեռակա կարգով: Wi-Fi հասանելիության կետն ու InControl Pro Services ծառայությունը կապահովեն անխափան կապ արտաքին աշխարհի հետ: Կարևոր չէ՝ աշխատում եք, թե հանգստանում, մենք կօգնենք դարձնել Ձեր կյանքն էլ ավելի հարմարավետ:

INCONTROL PROTECT

InControl Protect համակարգի շնորհիվ Ձեր Land Rover-ի կառավարումը կդառնա ավելի հեշտ և հաճելի: Որտեղ էլ որ գտնվի Ձեր Range Rover Sport-ը, Ձեր սմարթֆոնի էկրանին կարող եք տեսնել տեղեկատվություն այն մասին, թե որքան վառելիք է մնացել բաքում, որտեղ է կայանած ավտոմեքենան, Ձեր ուղևորությունների և նույնիսկ բաց թողած պատուհանների մասին: Optimised Land Rover Assistance օգնության համակարգը թույլ կտա արագորեն փոխանցել տեխնիկական տվյալներն անսարքության դեպքում, ինչպես նաև հաղորդել Ձեր գտնվելու վայրը էվակուացիոն ծառայության աշխատակիցներին: Լուրջ պատահարի դեպքում օգնության արտակարգ կանչի SOS Emergency Call համակարգը կհաղորդի փրկարար ծառայություններին Ձեր գտնվելու վայրը:

ՍԱՐՔԱՎՈՐՈՒՄՆԵՐԻ ՎԻՐՏՈՒԱԼ ՎԱՀԱՆԱԿ՝ TFT-ԴԻՍՓԼԵՅՈՎ

Սարքավորումների լրացուցիչ վիրտուալ վահանակն արտաբերվում է բարձր թողայնությամբ 12,3 դյույմ անկյունագծով դիսփլեյի վրա: Դրա օգնությամբ վարորդը ստանում է ողջ անհրաժեշտ տեղեկատվությունը: Ծավալային քրոմապատ լրամշակմամբ էլեգանտ վիրտուալ թվատախտակները կարելի է կարգավորել այնպես, որպեսզի դրանք արտացոլեն միայն տվյալ ճանապարհորդության ժամանակ անհրաժեշտ տվյալները:

ՀԵՏԵՎԻ ՆՍՏԱՏԵՂԵՐԻ ՈՒՂԵՎՈՐՆԵՐԻ ՀԱՄԱՐ ՆԱԽԱՏԵՍՎԱԾ ՄՈՒԼՏԻՄԵԴԻԱ ՀԱՄԱԿԱՐԳ

Սրահի հետնամասի օպցիոնալ համակարգը առաջարկվում է 8 կամ 10 դյույմ անկյունագծով էկրաններով: Երկու տարբերակում էլ դրանք լրացվում են WhiteFire® անլար ականջակալներով, HDMI և USB միակցիչներով, Mobile High-Definition ձևաչափի ինտերֆեյսով և հեռակառավարման վահանակով:

*WhiteFire-ը հանդիսանում է Unwired Technology LLC ընկերության գրանցված ապրանքանշան, և Land Rover-ի կողմից դրա ցանկացած օգտագործում կարգավորվում է լիցենզիոն համաձայնագրով:

MERIDIAN™ DIGITAL REFERENCE ԱՈՒԴԻՈՀԱՄԱԿԱՐԳ

1700 Վտ հզորությամբ MeridianTM օպցիոնալ աուդիոհամակարգը սարքավորված է 22 բարձրախոսով և սաբվուֆերով, աշխատում է 22 ալիքով և համատեղելի է Trifield* տեխնոլոգիայի հետ: Դուք և Ձեր ուղևորները արժանիորեն կգնահատեք ծավալային ձայնը սրահի ցանկացած հատվածում: Արտահայտիչ վերին հաճախականություններն ու հագեցած բասերը թույլ կտան Ձեզ վայելել մաքուր հնչողությունը:

Meridian-ը հանդիսանում է Meridian Audio Ltd ընկերության գրանցված ապրանքանշան:
*Trifield -ը և Three fields սարքավորումը հանդիսանում են Trifield Productions Ltd. ընկերության գրանցված ապրանքանշան:

 
ԿԱՐԵՎՈՐ ՏԵՂԵԿՈՒԹՅՈՒՆ

You are about to leave . Please note that cannot be responsible for any content or validity outside of this domain.