ՖՈՐԱ ՊՐԵՄԻՈՒՄ

ՏԵԽՆՈԼՈԳԻԱՆԵՐ

ՏԵՂԵԿԱՏՎԱԿԱՆ-ԺԱՄԱՆՑԱՅԻՆ ՀԱՄԱԿԱՐԳ

ՂԵԿԱՆԻՎ

Ղեկանիի վրա տեղադրված են մինչև ակտիվացումն աննկատ մնացող սենսորա-հպումային փոխարկիչներ: Փոխարկիչներից մեկը հնարավոր է ծրագրավորել այնպես, որպեսզի կարողանաք ինքնուրույն կարգավորել այն անհրաժեշտ ֆունկցիաները կառավարելու համար:

ՄՈՒԼՏԻՄԵԴԻԱ ՀԱՄԱԿԱՐԳ ՀԵՏԵՎԻ ՆՍՏԱՏԵՂԵՐԻ ՈՒՂԵՎՈՐՆԵՐԻ ՀԱՄԱՐ

Հետևի նստատեղերի ուղևորների համար նախատեսված օպցիոնալ մուլտիմեդիա համակարգը սարքավորվում է գլխակալների մեջ ներկառուցված երկու 8-դյույմանոց էկրաններով կամ բարձր տվայնությամբ 10-դյույմանոց շրջադարձային էկրաններով: Համակարգը լրացված է անլար ականջակալներով, հեռակառավարման վահանակով, ինչպես նաև USB և HDMI միակցումներով, որոնք թույլ են տալիս միացնել մի քանի սարքավորում:

ՁԱՅՆԻ ՃԱՆԱՉՄԱՆ ՖՈՒՆԿՑԻԱ

Range Rover-ի համար հասանելի է ձայնի ճանաչման ինտելեկտուալ ֆունկցիան, որը թույլ է տալիս կատարել զանազան գործողություններ՝ առանց ավտոմեքենայի կառավարումից շեղվելու: Օրինակ՝ կարող եք ասել «Գտնել 97,9 հաճախականությունը» կամ «Զանգել տուն»:

INCONTROL APPS ՀԱՎԵԼՎԱԾՆԵՐ

InControl Apps-ը ավտոմեքենայի մեջ կիրառման նպատակով օպտիմալացված ինտերակտիվ հավելվածների հավաքածու է, որը հնարավոր է դարձնում մուլտիմեդիա կոնտենտի հոսքային հաղորդումը, ամպային և գեոլոկացիոն տեխնոլոգիաները և այլ ֆունկցիաների կիրառումը շարժական սարքը USB-միակցմանը միացնելուց հետո:

INCONTROL PRO SERVICES ՀԱՄԱԿԱՐԳ

InControl Pro Services համակարգն ունակ է լուծելու ամենատարբեր խնդիրներ՝ իրական ժամանակում ճանապարհային իրավիճակի մասին տվյալների հավաքագրումից մինչև «դռնից դուռ» մանրամասն երթուղիների կազմումն ու Ձեր սմարթֆոնի հետ տվյալների փոխանակումը:

INCONTROL PROTECT

InControl Protect համակարգը թույլ է տալիս գրանցել Ձեր ուղևորությունները, հեռավորության վրա ստուգել վառելիքի մակարդակը, փնտրել Range Rover-ը կայանատեղիում և նույնիսկ ստուգել՝ արդյոք փակ են բոլոր պատուհանները: Ներառում է ճանապարհին օգնության ծառայության կանչի Optimised Land Rover Assistance ֆունկցիան:

MERIDIANTM ԱՈՒԴԻՈՀԱՄԱԿԱՐԳ

13 բարձրախոսների և երկալիքանի սաբվուֆերի ճշգրիտ տեղադրման շնորհիվ մենք կարողացել ենք ապահովել  բացարձակ հավաստի հնչողություն՝ բյուրեղյա մաքրությամբ բարձր հաճախականություններով և լիարժեք, խորը բասերով:

Meridian-ը հանդիսանում է  Meridian Audio Ltd. ընկերության գրանցված ապրանքանշան:

MERIDIANTM SURROUND SOUND ԱՈՒԴԻՈՀԱՄԱԿԱՐԳ

Trifield™ տեխնոլոգիայի կիրառումն ու սրահում 19 բարձրախոսի ու երկալիքանի սաբվուֆերի տեղադրումը թույլ է տվել մեզ ապահովել այնքան մաքուր և ծավալային հնչողություն, որ Դուք կարող եք հեշտությամբ պատկերացնել Ձեզ Ձեր սիրելի կատարողի համերգին:

Trifield™ տեխնոլոգիան և Three fields սարքավորումը հանդիսանում են Trifield Productions Ltd. ընկերության գրանցված ապրանքանշաններ:

MERIDIANTM SIGNATURE REFERENCE ԱՈՒԴԻՈՀԱՄԱԿԱՐԳ

Signature Reference աուդիոհամակարգը սարքավորված է 29 բարձրախոսով, ներառյալ՝ երկալիքանի սաբվուֆերը: Այն ապահովում է հնչողության անգերազանցելի որակ սրահի ցանկացած կետում: Աշխարհում առաջին Trifield 3D տեխնոլոգիան տարածական հնչողությունը հասցնում է որակյալ նոր մակարդակի: 

1 /

ՆՈՐԱՐԱՐՈՒԹՅՈՒՆՆԵՐ

PHEV (ՑԱՆՑԻՑ ԼԻՑՔԱՎՈՐՎՈՂ ՀԻԲՐԻԴԱՅԻՆ ԱՎՏՈՄԵՔԵՆԱ)

Ցանցից լիցքավորման հնարավորությամբ հիբրիդային ավտոմեքենան (PHEV)՝ փոխզիջումներ չճանաչող հնարավորություններով, ընթացքային որակներով և դիզայնով, սարքավորված է տվյալ պահին մեր ամենատեխնոլոգիական ուժային ագրեգատով, որի CO2 արտանետումների մակարդակը կազմում է ընդամենը 64 գ/կմ:

ԻՄԱՆԱԼ ԱՎԵԼԻՆ PHEV-Ի ՄԱՍԻՆ

ԱՄԲՈՂՋՈՒԹՅԱՄԲ ԱԼՅՈՒՄԻՆԵ ԹԱՓՔ

Ավելի թեթև, ամուր և էկոլոգիական նորարարական կրող թափքն առանձնանում է մեծ կոշտությամբ և ապահովում է ընթացքի անգերազանցելի սահունություն: Արտաճանապարհային ուղևորությունների ծանրաբեռնվածություններին դիմացող այս թափքը թույլ է տալիս ավտոմեքենային մնալ իսկական Land Rover:

LAND ROVER IGUIDE (ՀԱՍԱՆԵԼԻ ԿԼԻՆԻ ՇՈՒՏՈՎ)

Land Rover iGuide հավելվածը պատմում է Ձեր ավտոմեքենայի կառավարման բոլոր կարևոր ֆունկցիաների և օրգանների մասին՝ լրացված իրականության նորագույն տեխնոլոգիաների օգնությամբ: Այն նաև կրկնում է օգտատիրոջ ձեռնարկում առկա տեղեկությունները, ինչի շնորհիվ Դուք միշտ հեշտությամբ կգտնեք ավտոմեքենային վերաբերող ցանկացած հարցի պատասխան:

ԱՐՏԱԴՐՈՂԱԿԱՆՈՒԹՅՈՒՆ

ԲԱՐՁՐ ԱՐԱԳՈՒԹՅՈՒՆՆԵՐԻ ԴԵՊՔՈՒՄ ԿԱԽՈՑԻ ԲԱՐՁՐՈՒԹՅԱՆ ՆՎԱԶԵՑՄԱՆ ՀԱՄԱԿԱՐԳ

Բարձր արագությունների դեպքում կախոցի բարձրության նվազեցման համակարգը օգտագործում  է էլեկտրոնային կառավարմամբ պնևմատիկ կախոցը: Աերոդինամիկ դիմադրությունն ու վառելիքի ծախսը նվազեցնելու նպատակով այն 15 մմ-ով իջեցնում է ավտոմեքենան, երբ ավտոմեքենայի արագությունը հասնում է 105 կմ/ժ:

ԷԼԵԿՏՐԱՄՈԲԻԼԻ ՌԵԺԻՄ

Երբ ակտիվացված է էլեկտրամոբիլի ռեժիմը, անցումը էլեկտրական և ներքին այրման շարժիչների միջև կատարվում է աննկատ, քանի որ համակարգը սահուն գործարկում է ներքին այրման շարժիչը ի լրումն էլեկտրականի: PHEV ավտոմեքենան կարող է աշխատել բացառապես էլեկտրականությամբ՝ առանց վնասակար արտանետումների, ինչին նպաստում է կրկնակի կցորդիչով փոխանցման համակարգի օգնությամբ մարտկոցը շարժիչից անջատելու հնարավորությունը: Վարորդը կարող է վստահել ավտոմատ համակարգերին կամ ինքնուրույն ընտրել վարման երեք ռեժիմներից մեկը՝ էներգիայի ծախսն օպտիմալացնելու նպատակով:

ԴԻՆԱՄԻԿ ՌԵԺԻՄ
Ճանապարհային պայմաններին ադապտացման Terrain Response համակարգի այս ռեժիմը մեծացնում է կախոցի կոշտությունը՝ վարման դինամիկայի աճին զուգահեռ: Սա երաշխավորում է հիանալի կառավարելիություն և վստահ մանևրում՝ թույլ տալով առավելագույն հաճույք ստանալ ավտոմեքենայի վարումից: 

«ԿՈՄՖՈՐՏ» ՌԵԺԻՄ

Ճանապարհային պայմաններին ադապտացման Terrain Response համակարգի այս ռեժիմն ապահովում է հարմարավետության բարձր մակարդակ՝ կարգավորելով կախոցի աշխատանքը՝ ավելի սահուն ընթացք ապահովելու համար: 

ԲՆՈՒԹԱԳՐԵՐ

ԵՐԿԱՍՏԻՃԱՆ ԲԱՇԽԻՉ ՏՈՒՓ

Լրացուցիչ իջեցված փոխանցումները կարող են անփոխարինելի լինել բարդ պայմաններում, երբ շարժվում եք արտաճանապարհային պայմաններում կամ բեռ եք քարշակում: Երկաստիճան բաշխիչ տուփն ապահովում է արագության հստակ կարգավորումն ու անհրաժեշտ վերահսկումը:

ՍԱՅԹԱՔՈՒՆ ՄԱԿԵՐԵՎՈՒՅԹԻ ՎՐԱ ՄԵԿՆԱՐԿԻ ՀԱՏՈՒԿ ՌԵԺԻՄ՝ LOW TRACTION LAUNCH

Սայթաքուն մակերևույթի վրա մեկնարկին օժանդակող հատուկ Low Traction Launch ռեժիմը մեկնարկի ժամանակ բաշխում է ոլորող մոմենտը այնպիսի սայթաքուն մակերևույթների վրա, ինչպիսին են՝ թաց խոտը, ձյունն ու սառույցը՝ ապահովելով առավել օպտիմալ կցորդում:

ԿՑՈՐԴՈՎ ՀԵՏԸՆԹԱՑ ՇԱՐԺՄԱՆՆ ՕԺԱՆԴԱԿՈՂ ԿԱՏԱՐԵԼԱԳՈՐԾՎԱԾ ՀԱՄԱԿԱՐԳ

Կցորդով հետընթաց շարժմանն օժանդակող կատարելագործված համակարգը թույլ է տալիս վերահսկել հետագիծը ճանապարհային պայմաններին ադապտացման Terrain Response2 համակարգի շրջադարձային փոխարկիչի օգնությամբ: Օպցիոնալ համակարգն իր վրա կվերցնի նաև ղեկային կառավարումը՝ ապահովելով շարժման անհրաժեշտ հետագիծը:

ԶԱՌԻՎԵՐ ՎԵՐԱՀՍԿԵԼԻ ՇԱՐԺՄԱՆ ՀԱՄԱԿԱՐԳ (HDC)

Զառիվայր սահուն շարժման (HDC) Land Rover-ի պատենտավորած համակարգը հանդիսանում է ստանդարտ սարքավորում: Այն թույլ է տալիս ապահովել ավելի կանխատեսելի շարժում կտրուկ լանջերի վրա՝ պահպանելով մշտական արագությունն ու գործարկելով արգելակային համակարգն առանձին-առանձին յուրաքանչյուր անիվի համար:

 

ՎԱՐՈՐԴԻՆ ՕԺԱՆԴԱԿՈՂ ՍՏԱՆԴԱՐՏ ՀԱՄԱԿԱՐԳԵՐ

ՎԹԱՐԱՅԻՆ ԱՐԳԵԼԱԿՄԱՆ ՀԱՄԱԿԱՐԳ

Ճակատային բախման պոտենցիալ վտանգ հայտնաբերելու դեպքում էկրանին հայտնվում է նախազգուշացում: Այսպես Դուք կարող եք արագ քայլեր ձեռնարկել վթարից խուսափելու համար: Եթե վարորդը չի արձագանքում, համակարգը կիրառում է վթարային արգելակումը՝ նվազեցնելով բախման հետևանքները:

ՇԱՐԺՄԱՆ ՇԱՐՔԻՑ ՇԵՂՎԵԼՈՒ ՄԱՍԻՆ ՆԱԽԱԶԳՈՒՇԱՑՄԱՆ ՀԱՄԱԿԱՐԳ

Օգնում է ավելի անվտանգ դարձնել երկարատև ուղևորությունները: Շարժման շարքից շեղվելու մասին նախազգուշացնող համակարգը գրանցում է ավտոմեքենայի չկանխատեսված շեղումը շարքից և տեղյակ է պահում Ձեզ տեսողական ազդանշանի և ղեկանիվի տատանումների օգնությամբ:

ԿԱՅԱՆՄԱՆ ԱՌՋԵՎԻ ԵՎ ՀԵՏԵՎԻ ՑՈՒՑԻՉՆԵՐ

Զգալիորեն նպաստում են սահմանափակ տարածության մեջ անվտանգ կայանմանը: Հետընթաց փոխանցումը միացնելիս ակտիվանում են հետևի թափարգելի վրա տեղադրված ցուցիչները: Սենսորային էկրանի պատկերն ու ձայնային ազդանշանները տեղեկացնում են՝ որքան եք մոտեցել խոչընդոտներին կայանման ընթացքում:

ԱՐԱԳՈՒԹՅԱՆ ՍԱՀՄԱՆԱՓԱԿԻՉՈՎ ԿՐՈՒԻԶ ԿՈՆՏՐՈԼ

Արագության սահմանափակիչով կրուիզ կոնտրոլը պահպանում է ավտոմեքենայի ընթացիկ արագությունը՝ չպահանջելով արագացման ոտնակով անընդհատ աշխատանք, ինչը թույլ է տալիս նվազեցնել վարորդի հոգնածությունը: Այն թույլ է տալիս նաև նախապես սահմանել առավելագույն արագությունը:

 

ՕՊՑԻԱՆԵՐԻ DRIVER ASSISTANCE ՓԱԹԵԹՆԵՐ

DRIVE

Օպցիոնալ Drive փաթեթը ներառում է անվտանգության և տեղեկատվության զանազան ֆունկցիաներ, որոնց թվում են՝ վարորդի հոգնածության աստիճանի վերահսկման համակարգը, «կույր» գոտիների վերահսկման համակարգն ու ճանապարհային նշանների ճանաչման համակարգը՝ արագության ադապտիվ սահմանափակիչով:

DRIVE PRO

Օպցիաների Drive Pro փաթեթը ներառում է Drive փաթեթի ֆունկցիաներ, ինչպես նաև շարժման շարքի պահպանման համակարգ, վերադասավորման ժամանակ ճանապարհային միջադեպերի կանխման համակարգ, խիտ հոսքում տեղաշարժմանն օժանդակող ֆունկցիայով ադապտիվ կրուիզ կոնտրոլ ու բարձր արագությամբ տեղաշարժվելիս վթարային արգելակման համակարգ:

PARK

Ներառում է ավտոմեքենայի պարագծով տեղադրված ցուցիչների և հետևից մոտեցող ավտոմեքենաների հայտնաբերման համակարգեր, որոնք թույլ կտան Ձեզ վստահորեն մանևրել նույնիսկ սահմանափակ տեսանելիության պայմաններում: Ավտոմեքենայից անվտանգ ելքի վերահսկման ֆունկցիան նախազգուշացնում է հետևի շարքի ուղևորներին մոտեցող տրանսպորտի, հեծանվորդների և այլ պոտենցիալ վտանգների մասին:

PARK PRO

Օպցիաների Park Pro փաթեթը ներառում է Park փաթեթի ֆունկցիաներ, ինչպես նաև կայանմանն օժանդակող համակարգ, որը զգալիորեն հեշտացնում է զուգահեռ և ուղղահայաց կայանումը՝ կատարելով ղեկային կառավարում ու օգնելով տեղավորել ավտոմեքենան հասանելի տարածությունում:

 

ՀԱՐՄԱՐԱՎԵՏՈՒԹՅՈՒՆ

ՏԱՔԱՑՎՈՂ ԵՎ ՕԴԱՓՈԽՎՈՂ ՆՍՏԱՏԵՂԵՐ

Առջևի ու հետևի նստատեղերի տաքացումը և օդափոխումն ապահովում են օպտիմալ հարմարավետություն՝ անկախ շրջակա միջավայրի ջերմաստիճանից: Ֆունկցիաները թույլ են տալիս վարորդին և ուղևորներին միմյանցից անկախ սահմանել անհրաժեշտ ջերմաստիճանը:

ՈՒՂԵՎՈՐԻ ՆՍՏԱՏԵՂԻ ԴԵՊԻ ԱՌԱՋ ՏԵՂԱՇԱՐԺՄԱՆ ԱՆԳԵՐԱԶԱՆՑԵԼԻ ՀԱՄԱԿԱՐԳ

Այս ֆունկցիան թույլ է տալիս առավելագույն չափով առաջ քաշել առջևի ուղևորի նստատեղը՝ ապահովելով ավելի մեծ տարածություն հետևի ուղևորների ոտքերի համար, ինչպես նաև բարելավելով տեսադաշտը:

ԿԵՆՏՐՈՆԱԿԱՆ ԲԱՐՁԱԿԻ ՀՈՎԱՑՎՈՂ ԲԱԺԱՆՄՈՒՆՔ

Առջևի կենտրոնական բարձակի օպցիոնալ հովացվող բաժանմունքը կօգնի վայելել սառը զովացուցիչ ըմպելիքները ուղևորությունների ժամանակ: Այն տեղավորում է 500 մլ ծավալով մինչև չորս շիշ, որոնց ջերմաստիճանը կպահպանվի 5°C մակարդակի վրա:

ԸՆԴՀԱՆՈՒՐ ԿԱՏԱՐԵԼԱԳՈՐԾՎԱԾ ԼՈՒՍԱՎՈՐՈՒԹՅՈՒՆ

Սրահի հետնամասի ուղևորները կարող են ընտրել երկու ռեժիմներից մեկը՝ սառը կամ ջերմ սպիտակ լույս: Յուրաքանչյուր տարբերակի համար հասանելի է պայծառության մի քանի մակարդակ: Առաջին ռեժիմն առավել հարմար է ուշադրության բարձր կենտրոնացում պահանջող աշխատանքի և խնդիրների լուծման համար, իսկ երկրորդ տարբերակը լուսավորությունը դարձնում է առավել գողտրիկ և բնական:

ՔԱՌԱԳՈՏԻ ԿԼԻՄԱՏ-ԿՈՆՏՐՈԼ

Օդի ջերմաստիճանը, ինչպես նաև դրա հոսքի ուղղությունն ու ինտենսիվությունը վերահսկող քառագոտի կլիմատ-կոնտրոլն ապահովում է սրահի հարմարավետության ավելի բարձր մակարդակ: Այս համակարգը թույլ է տալիս վարորդին, առջևի ուղևորին և երկրորդ շարքի ծայրի նստատեղերի երկու ուղևորներին անհատապես կարգավորել իրենց գոտու ջերմաստիճանը: B կանգնակների վրա տեղադրված են լրացուցիչ օդափոխման վանդակաճաղեր:

ԿԱՊԻ ՀՆԱՐԱՎՈՐՈՒԹՅՈՒՆՆԵՐ

Range Rover-ը սարքավորված է 5 USB-միակցումներով լիցքավորման և տվյալների հաղորդման համար, HDMI միակցումով և էլեկտրական վարդակներով (12 Վ օժանդակ և ստանդարտ լարմամբ): Դրա շնորհիվ բոլոր ուղևորները կարող են լիցքավորել շարժական սարքերն ու վայելել ժամանցային կոնտենտը իրենց պլանշետների, հեռախոսների և այլ սարքերի վրա:  

ՇԱՐԺԻՉԻ  ԿԱՅԱՆԱՏԵՂԱՅԻՆ ՏԱՔԱՑՈՒՄ՝ ՀԵՌԱԿԱՌԱՎԱՐՄԱՄԲ

Այս նորարարական համակարգը կօգնի տաքացնել կամ հովացնել ավտոմեքենան: Դրա աշխատանքը վերահսկվում է հեռակառավարման վահանակի և շաբաթական թայմերի օգնությամբ: Դուք միշտ կարող եք վստահ լինել, որ սրահում կտիրի առավել հարմարավետ ջերմաստիճան:

ԲԵՌՆԱՎՈՐՄԱՆ ԲԱԺԱՆՄՈՒՆՔԻ ԴՌԱՆ ՍԵՆՍՈՐԱՅԻՆ ԱՆՀՊՈՒՄ ԿԱՌԱՎԱՐՈՒՄ

Այս ֆունկցիան թույլ է տալիս բացել կամ փակել բեռնավորման բաժանմունքի դուռը՝ առանց դրան կամ կախազարդին դիպչելու: Ավտոմեքենայի յուրաքանչյուր կողմից տեղադրված են ցուցիչներ, իսկ կառավարումն իրականացվում է էլեկտրոնային սարքերի օգնությամբ:  Բավական է անցկացնել ոտքով ցուցիչներից մեկի տակով, որպեսզի ֆունկցիան ակտիվանա: 

ԴՌՆԵՐԻ ՉԱՓԱԲԵՐԻՉՆԵՐ

Range Rover-ը կարելի է սարքավորել առջևի և հետևի դռների լրացուցիչ օպցիոնալ էլեկտրակառավարվող չափաբերիչներով: Ընթացքի վերջին 6 մմ կառավարվող շարժման շնորհիվ բոլոր դռները փակվում են առավելագույնս փափուկ և անվտանգ:   

ԿԱՐԵՎՈՐ ՏԵՂԵԿՈՒԹՅՈՒՆ

You are about to leave . Please note that cannot be responsible for any content or validity outside of this domain.