Land Rover ապրանքանիշի պատմության մեջ ամենադինամիկ մոդելը ՝ Range Rover Sport-ը, ստացել է մի շարք թարմացումներ։ Շքեղ և հզոր ամենագնացն էլ ավելի գրավիչ է դարձել հաճախորդների և բրենդի սիրահարների համար: 

Առկա մոդելային շարքը եկել են ընդլայնելու նոր, հատուկ տարբերակները՝ HSE Silver-ը, HSE Dynamic Black-ը և SVR Carbon-ը։ Այժմ Range Rover Sport-ի սիրահարների  համար ստեղծվել է ավելի լայն ընտրության հնարավորություն: 

HST տարբերակը ներկայանում է  նոր  D350 դիզելային շարժիչով։ D350-ը  նորագույն սերնդի վեց մխոցանի դիզելային շարժիչների շարքից մեկն է՝  պատկանող Ingenium ընտանիքին: Range Rover Sport-ի պատմության մեջ առաջին անգամ այս բոլոր շարժիչները ստեղծվել են «փափուկ հիբրիդ» (MHEV) տեխնոլոգիայով՝ 48Վ  աշխատանքային լարմամբ և  համապատասխանում են RDE2 արտանետումների խիստ ստանդարտին:

Այս վեց մխոցանի շարժիչները, որոնք փոխարինում են նախկին V6 և V8 դիզելային շարժիչներին հանդիսանում են  Land Rover-ի սեփական մշակումը և առաջարկվում են D250, D300 եւ D350 տարբերակներով՝  249-350 ձ.ուժ հզորությամբ։ 

Թարմացվել է SV Premium Palette թափքի գույների գունապնակը: Այժմ ավելացվել են ութ նոր տարբերակներ՝ մասնավորապես  Tourmaline Brown-ը, Amethyst Grey-Purple-ը և Petrolix Blue-ը:

Ինտերիերը, որն առանձնանում է ֆունկցիոնալ դիզայնով, սրահում ստեղծում է "սպորտային շքեղության" հիանալի զգացողություն։ Ինտերիերում ինտեգրված  Touch Pro Duo  տեղեկատվական-ժամանացային համակարգը, որն ունի  սենսորային կառավարում ապահովում է կապի լայն հնարավորություններ։ 

2021 մոդելային տարվա բոլոր Range Rover Sport-երը առաջարկում են նաև մի շարք նորարարություններ կապի և անվտանգության տեսանկյունից։  Այժմ բոլոր մոդելների համար՝ ստանդարտ համալրմամաբ, առաջարկվում են Apple CarPlay և Android Auto սմարթֆոնների ինտեգրման հարթակները։ 4G Wi-Fi-ը թույլ է տալիս միացնել մինչև ութ բջջային սարք, ինչի շնորհիվ վարորդը և ուղևորները ցանկացած պահի կարող են կապի մեջ մնալ: